बन्न खोज्यौ कि

तिमी मेरो दिलको ढुकढुकी बन्न खोज्यौ कि
तिमी नै मेरी दिलकी रानी भन्न खोज्यौ कि

देखेकी छु माया गर्दै दोबाटोमा छोडेको नी
यस्तै गरि छाड्ने रुपमा गन्न खोज्यौ कि

जुनतारा झार्छु परि सरि राख्छु तिम्लाई भन्दै
पुरा गर्नै नसक्ने कसमको खानी बन्न खोज्यौ कि

आरोप होइन यर्थाथता कति कति देखेकि छु
मेरो पनि मायाको बगैचा खन्न खोज्यौ कि

कुर्दैछु

फर्कन्छौ कि तिमी भन्दै कुर्दैछु सानु
साहित्यका शब्द सँगसँगै फुर्दैछु सानु

खै कस्तो मोडमा दैवले टाढा गरायो
अरुकै चिनाको नामथरमा जुर्दैछु सानु

कति कोसिश गरे फेरि भेट्छु कि भनी
नचाहेर तिम्रो मेरो साइनो तुर्दैछु सानु

नलाग्नु पर्ने चोट लागेपछि यस्तै भयो
मन भित्रको घाउको डोबलाई पुर्दैछु सानु

दुख लाग्यो……….

भनाइ एउटा गराइ अर्को गरेउ र पो दुख लाग्यो
मनको साथी भनी पराई बनायौ र पो दुख लाग्यो

केहि पललाई खुसी दियौ आँसु जुनीजुनीलाई सानु
हासो खुसी दिन्छु भनी ढाट्यौ र पो दुख लाग्यो

जति छन् तिम्लाई आसु बगाउन बाध्य बनाउनेहरु
त्यस्तै गराउनेछु भन्दै स्वयः रुवायौ र पो दुख लाग्यो

दुख साट्यौ सुख साट्यौ साट्यौ चोखो मन पनि
सबै सत्य भनि उहि झुट बोल्यौ र पो दुख लाग्यो

गास्दैछौ

यता मलाई रुवाएर उता हास्दैछ सानु
किन कुन्नी अटुट साइनो मास्दैछ सानु
माया सद्भाव थियो थियो आत्मियता
यताको दिल तोडि उता गास्दैछ सानु